Milano, 7 shkurt - Siç njoftohet nga radio italiane Lady Radio, tashmë është arritur një akord mes Milanit dhe agjentit të Montolivos.

Mesfushori i Fiorentinës për të cilin është folur shumë gjatë sezonit të merkatos, në përfundim të kampionatit me sa duket do të nënshkruajë një kontratë katër vjeçare me kuq e zinjtë.

Kontrata e lojtarit mund të shkojë në pesë vite dhe lojtari do të paguhet me një pagë prej 2.5 milionë euro në sezon plus bonuset.

Kishte kohë që flitej për një transferim të mundshëm të Montolivos tek Milani dhe me sa duket gjithçka do të kryhet me sukses në përfundim të kampionatit të Seria A.