Milano, 25 janar - Milani ka zyrtarizuar para pak minutash transferimin e Cristian Zaccardon nga Parma duke e shkëmbyer me mbrojtësin Djamel Mesbah dhe mesfushorin Strasser.

Agjenti i mbrojtësit të krahut të djathtë ka konfirmuar për mediat italiane se ai do të ketë kontratë me Milanin deri në vitin 2017 dhe tani ka ardhur edhe zyrtarizimi nga vetë klubi kuqezi në faqen e tij në internet.

Në ndërkohë Andrea D’Amico, agjenti i mbrojtësit Ignazio Abate, është në Rusi duke negociuar me drejtorët e Zenit Saint Petersburg. Shumë shpejt pritet që mbrojtësi italian të lerë Milanellon.