Milano, 29 mars - Milani ende nuk është dorëzuar në garë për të transferuar mesfushorin e Sampdorias, Andrea Poli, por Rosonerët tani i kanë hyrë tepër seriozisht kësaj pune.

Paraqitja fantastike e Polit në këtë sezon me Sampdorian ka bërë që për të të interesohen shumë klube ku ndër ta është Milani i cili Polin e sheh si zëvendësues perfekt të Pirlos ose Seedorf të cilët në fund të sezonit mund të largohen nga San Siro.

Mirëpo Milani për të transferuar këtë lojtar duhet të mposhtë Juventusin dhe Interin të cilët gjithashtu janë në garë për të siguruar shërbimet e 21 vjeçarit.