Milano, 28 dhjetor - Me Robinhon që duket gjithmonë e më pranë kalimit te Santos klubi i Milanit ka nisur tashmë punën për të gjetur në një kohë të shpejtë zëvëndësuesin e sulmuesit brazilian.

Të gjitha pistat të çojnë drejt 24-vjeçarit slloven të Palermos Josip Iliçiç. Raportet e mira mes Administratorit të Deleguar të siçilianëve, Pietro Lo Monaco dhe klubit kuqezi mund të çojnë në përfundimin me sukses të këtij operacioni.

Por nga Brazilia mbërrin një tjetër emër. Sipas shtypit karioka, mund të ketë një shkëmbim të mundshëm mes Robinhos dhe 20-vjeçarit të Santos, Bernard.