Milano, 25 nëntor - Sulmuesi argjentinas i Mançester Sitit, Karlos Tevez në janar mund të bëhet lojtar i ri i kampionit italian Milan, shkruajnë mediat angleze.

Të enjten ka ardhur deri te takimi ndërmjet nënpresidentit dhe drejtorit të “rosonerëve”, Adriano Galiani dhe Aried Braida me agjentin e Tevezit, Kio Jorbaqian.

Gjiganti italian është treguar i gatshëm të marrë Tevezin në afatin kalimtar të janarit si zëvendësim të përkohshëm për Antonio Kasano, i cili aktualisht është jashtë ekipit për shkak të operacionit në zemër.

Besohet se huazimi do t’i kushtojë Milan rreth pesë milionë euro, si dhe 20 milionë euro shtesë në verë nëse ekipi dëshiron ta blejë kontratën e tij nga “qytetarët”.

Në rast të kalimit në Milan, sulmuesi argjentinas nuk do të ketë të drejtën e pjesëmarrjes në Ligën e Kampionëve, pasi që ka luajtur për Sitin në ndeshjen e parë të këtyre garave kundër Napolit.

Tevez në Siti kishte kundërshtuar të hyjë në takimin r Ligës së Kampionëve kundër Bajernit më 27 shtator dhe ishte suspenduar.

Në Milan tash për tash nuk janë prononcuar lidhur me spekulimet e mediave për interesimin e tyre për Tevez.