Milano, 24 janar - Skuadra italiane e Milanit është shumë pranë transferimit të Cristian Zaccardo-s duke i ofruar Parmës Djamel Mesbah-n.

Mbrojtësi 31 vjeçar ka qenë i lidhur me një lëvizje drejt “San Siros” këtë muaj, por bisedimet ngecën teksa palët nuk arritën marrëveshjen për kohëzgjatjen e kontratës.

Gjithsesi, agjenti i mbrojtësit të krahut të djathtë ka konfirmuar se klienti i tij është shumë pranë transferimit nga Parma për tek Milani.

Nga ana tjetër, algjeriani Mesbah do t’i ofrohet skuadrës aktuale të Zaccardo-s në formë shkëmbimi.

“Milani është një mundësi mjaft e mirë për Zaccardo-n dhe një pikë kulmore për karrierën e tij,” tha agjenti i futbollistit, Alessandro Moggi për “La Gazzetta dello Sport”.

“Kontrata e tij do të skadojë në vitin 2017, pasi Milan kërkon të blejë kartonin e plotë të lojtarit, i cili zotërohet nga Parma.”

Kjo marrëveshje rrit spekulimet lidhur me të ardhmen e mbrojtësit kuqezi Ignazio Abate, i cili luan në të njëjtin pozicion si edhe Zaccardo.

Mediat raportojnë se Abate është i lidhur me një transferim tek skuadra ruse Zenit St Petersburg.