Madrid, 1 shtator - Chelsea ka konfirmuar në faqen zyrtare të klubit se mesfushori, Michael Essien, ka kaluar në formë huazimi njëvjeçar te gjiganti spanjoll Real Madrid.

Pas një drame të jashtëzakonshme në minutat e fundit, Real Madridi ka arritur të sigurojë firmën e mesfushorit ganez, i cili do të jetë i huazuar për një sezon te klubi mbretëror.

Ende nuk dihen detajet kontraktuale, por as e ardhmja e Lassana Diarras, i cili është i kërkuar nga Anzhi. Sidoqoftë, afati kalimtar rus është i hapur edhe disa ditë, transmeton telegrafi.

Ky është vetëm transferi i dytë i Real Madridit këtë verë, pas kompletimit të kalimit të Luka Modric pak ditë më parë.