Barcelonë, 11 mars - Ylli i Barcelonës, Lionel Messi realizoi golin e tij të 40-të në La Ligë këtë sezon në fitoren 2-0 ndaj Deportivo La Corunës të shtunën.

Ai u inkuadrua si rezervist në minutën e 62-të kundër La Corunës dhe vulosi fitoren e gjigantit katalan.

Ylli argjentinas në total ka shënuar 51 gola në të gjitha garat kurse kuotën 40 në La Ligë e arriti pas vetëm 27 ndeshjeve. Mesatarja e shënimeve të Messit vazhdon të jetë e jashtëzakonshme.

Milan dhe trajneri Massimiliano Allegri janë të njoftuar. Barcelona pret Rossonerët në Nou Camp të martën në kuadër të ndeshjes së kthimit të 1/8 së finales, takim ku gjigantit katalan i nevojiten golat e Messit për të kaluar tutje. Milani fitoi duelin e parë në San Siro me rezultat 2-0.