Barcelonë, 29 janar - Sulmuesi i Barcelonës Lionel Messi ka deklaruar se lojtarët e kësaj skuadre nuk dorëzohen në rrugën e tyre drejt titullit edhe pas paraqitjes jo të mirë në ndeshjen e së shtunës ku ata barazuan me Villarreal.

“Barcelona nuk dorëzohet kurrë. Raundi i dytë i ndeshjeve sapo ka filluar, ka mbetur edhe shumë”, u shpreh Messi i cili nënvizoi se në lojë janë akoma shumë pikë për të cilat duhet luftuar.

“Tani duhet të fokusohemi në ndeshjen e Kupës së Mbretit ndaj Valencias dhe duhet të bëjmë më të mirën, në mënyrë që të jemi në finale”, ka deklaruar argjentinasi. Në tabelën e La Ligas Barcelona ndodhet gjashtë pikë prapa skuadrës së Real Madridit.