Madrid, 12 qershor - Telashe për futbollistin më të mirë në botë. Lionel Messi dhe babai i tij, Jorge janë në qendër të një hetimi nga prokuroria e Barcelonës për akuzën e evazionit fiskal.

Sipas shtypit spanjoll, katër herë fituesi i Topit të Artë dhe babai i tij akuzohen për fshehjen e 4 milion eurove.

Kjo shumë sipas autoriteteve spanjolle është përfituar nga e drejta e imazhit e asit argjentinas nga viti 2007 deri në vitin 2009.

Hetuesja e çështjes në fjalë është prokurorja Raquel Amado. Messi dhe babai i tij janë informuar për akuzën e ngritur nëpërmjet një letre të dërguar nga autoritetet në qendrën stërvitore Gava.