Barcelonë, 7 nëntor - Leo Messi ka rrëfyer se idhulli i tij kur ishte i vogël ka qenë Ronaldo, Fenomeni brazilian. Argjentinasi i Barcelonës është shprehur në një intervistë për revistën angleze ‘4-4-2’.

\"Ronaldo ishte heroi im. Më pëlqente të shikoja në fushë lojtarë si Zidane, Ronaldinho dhe Rivaldo, por Ronaldo ishte sulmuesi më i mirë që kisha parë ndonjëherë\", është shprehur Messi.

\"Ishte aq i shpejtë sa mund të shënonte sa niste ndeshja dhe kurrë nuk kam parë futbollist tjetër që të godasë topin aq mirë sa ai\", shtoi ylli i Barcelonës.