Milano, 29 nëntor - Milani ka arritur marrëveshje me Catanian për huazimin e Maxi Lopez, bën të ditur Sky Sport 24.

Megjithatë raportohet se kjo marrëveshje është pezulluar për 10 ditë, pasi Milani është duke punuar për të nënshkruar me yllin e Manchester Cityt, Carlos Tevez.

Argjentinasi është jashtë favoritëve në Etihad Stadium dhe shihet si zëvendësues i Antonio Cassano, i cili është duke u rikuperuar nga operimi në zemër.

Në rast se tentimet e Milanit për Tevez dështojnë, atëherë kampionët e Serie A do ta kompletojnë nënshkrimin me Lopez.