Paris, 19 korrik - Marquinhos është një lojtarë i Paris San Germain. Marrëveshja është mbyllur për shifrën e 32 milionë Eurove, plus tre bonus.

Mbrojtësi Brazilian është goditja e radhës për klubin francez pas Cavanit dhe Digne, një blerje që do ta përforcojë shumë prapavijën e kryeqytetasve.

Detajet e fundit të marrëveshjes janë mbyllur ku i pranishëm ka qenë edhe presidenti Waltër Sabatini.

Për të kanë qenë shumë të interesuara disa klube të mëdha në Europë, ku spikasin Barcelona dhe Manchester United.

Ai zgjodhi destinacionin Paris pasi aty gjen edhe Thiago Silvën, dhe mund të jetë një mundësi shumë e mirë për t’i hapur dyert për grumbullimin në “Brazil 2014-të” me Selecaon.

Nga ana tjetër është komplikuar marrëveshja me De Santis sepse Julio Cezar nuk ka arritur një marrëveshje me Napolin. Roma tashmë duhet të hedh sytë mbi Sorrentinon e Palermos.

Roma e ka shënjestruar qendërmbrojtësin e Valencias, Adil Ramin, si zëvendësim për Marquinhos.

Ai është stërvitur edhe më parë nga trajneri i Romës, Rudi Garcia në kohë kur drejtonte Lille ndërsa kartoni i tij vlerësohet 12 milionë euro.