Londër, 13 qershor - Mesfushori i talentuar i Vitesses, Marco van Ginkel, e ka pranuar se është e vështirë për t’u refuzuar ndonjë ofertë që vjen nga Liga Premier, por ka refuzuar të konfirmojë nëse do t’i bashkohet Chelseat këtë verë, para përfunduar Kampionati Evropian për të rinjtë.

Jose Mourinho dëshiron që blerja e tij e parë te Chelsea të jetë pikërisht mesfushori i Vitesses, i cili u shpall Talenti i Vitit në Holandë për vitin 2013.

“Liga Premier është shumë e mirë, unë mendoj se çdo lojtarë i ri dëshiron të luajë atje”.

“E di se çfarë njerëzit dëshirojnë të dëgjojnë, por nuk do të them asgjë tani. Unë duhet të fokusohem në këtë turne për momentin. Pas këtij turneu, do të mendoj për të ardhmen time”, deklaroi Van Ginkel.