Madrid, 15 tetor - Mbrojtësi i Real Madridit, Marcelo, pritet të mungojë tre muaj për shkak të thyerjes së ashtit metatarsal gjatë angazhimit me përfaqësuesen e Brazilit.

24-vjeçari është lënduar gjatë stërvitjeve dhe është bartur nga fusha nga stafi mjekësor, pasi nuk ishte në gjendje të ecte.

Fillimisht, u mendua se e ka lënduar nyjën, mirëpo pas ekzaminimeve është vërejtur frakturë në ashtin e pestë metatarsal të këmbës së djathtë dhe ndoshta do t’i nevojitet ndërhyrja kirurgjike për zgjidhjen e problemit.

“Do të kthehem shumë shpejtë. Ka edhe shumë kohë para fillimit të ‘Kupës së Konfederatave 2013’ dhe shpresoj të jem pjesë e saj”, u ka thënë braziliani gazetarëve.