Mendoza, 25 korrik - Diego Armando Maradona ka operuar sytë në Mendoza të Argjentinës, operacion që sipas mjekut të tij Roberto Zaldivar, është mbyllur me sukses.

“Maradona është mirë. Ishte një ndërhyrje normale presbiopie që e praktikojmë shpesh. Ai u soll shumë mirë dhe ishte një pacient shumë i mirë”, tregoi Zaldivar.

Kampioni i botës në vitin 1986 do t’i nënshtrohet një kontrolli rutinë dhe më pas do të mund të kthehet në Buenos Aires, ka saktësuar mjeku.

Maradona, aktualisht 52 vjeç, jeton në Dubai ku është ambasador i sportit për Emiratet e Bashkuara Arabe. / Top Channel