Manchester, 24 tetor - Strategu italian i Manchester Cityit, Roberto Mancini dëshiron ta hesht euforinë pas fitores së madhe në Old Trafford, ndaj rivalit të qytetit Manchester United prej 6 me 1.

Megjithë fitoren nga më të rëndësishmet në histori, Mancini mendon se është ende herët të flitet për titull.

“Ende kam respekt të madh për Unitedin, ndërsa përvec atyre, janë tre ose katër ekipe që mund t’i kemi rivalë. Mendoj se Manchester United është ende mbi ne, ndërsa ne këtë mund ta ndryshojmë vetëm duke e fituar titullin dhe tani të themi se jemi më të mirë se United”, ka thënë Mancini pas ndeshjes së të dielës.

Në ekipin e tij, Mancini ka një lojtar i cili në derbin lokal ka luajtur ndoshta ndeshjen më të mirë që nga kalimi nga Inter.

“Nëse flasim për Mario Balotelli, mendoj se ai është ndër pesë lojtarët më të mirë në botë, ndërsa problemi i tij është për faktin se për shkak të rinisë hyn në probleme.

Ai ka folur edhe për sistemin e lojës që ka aplikuar, me dy sulmues, pasi ka thënë se ka parë ndeshjet e fundit të United që humb shumë shanse.