Manchester, 29 mars - Manchester United kërkon të blejë 7 futbollistë. Kjo është dëshira e trajnerit Alex Ferguson, i cili ka përfshirë në planet e tij sulmues të njohur si Neymar dhe Vuçiniç. 

Skocezi 71-vjeçar ka në dispozicion sulmues të nivelit të lartë si Wane Rooney, Robin Van Persie apo Hernandez, por kërkon një skuadër edhe më të fortë, ndërsa nuk ka ndërmend ta largohet nga drejtimi i skuadrës angleze, megjithë moshën e shtyrë. 

United është pranë titullit kampion në Angli dhe për Fergusonin do të ishte i 13-ti me këtë ekip. Por, ai dëshiron të fitojë sërish Champions League, ndaj edhe i duhet cilësi më e madhe në ekip.