Manchester, 31 janar - Trajneri italian i Manchester City po mendon të bëjë një ofertë për yllin e Barcelonës, Pedro Rodriguez.

Oferta me shumë mundësi do të konkretizohet verën e ardhshme, por menaxherët milionerë kanë qenë shpeshherë në “Camp Nou” këtë sezon për ta parë nga afër 24-vjeçarin.

Pedrito nuk po gjen hapësira rregullisht në skuadrën e Pep Guardiolës pas ardhjes së Alexis Sanchez.

Problemi i vetëm që nuk e bën të lehtë këtë marrëveshje është klauzola e prishjes së kontratës, e vendosur nga klubi katalanas që kap shifrën e "frikshme" të 150 milionë eurove.