Milano, 17 korrik - Ish-trajneri i Milanit, Cesare Maldini është i shokuar nga shitja e Thiago Silvas në drejtim të Paris Saint German - PSG.

“Për shumë vite Silvio Berlusconi ka tentuar të forcojë skuadrën duke transferuar lojtarë të klasit të lartë. Sidoqoftë, në vitet e fundit kjo gjë ka ndryshuar”.

“Unë mund të kuptoj shitjen e Ibrahimovic i cili është 31 vjeçar, por ende nuk mund të kuptoj zgjedhjen e shitjes së Thiago Silvas”.

“Braziliani është i ri dhe ka ende kohë për tu përmirësuar. Ai do të ishte kapiten në të ardhmen”, tha Maldini për Tuttomercato.