Moskë, 29 korrik - Klubi rus i futbollit Anzhi Makhachkala ka ofruar një ofertë marramendëse për lojtarin kamerunas të Interit, Samuel Etoo.

Plotë 20 milion euro është oferta joshëse për sulmuesin kamerunas, i cili ndoshta edhe mund të bindet dhe të përkulet për të pranuar këtë ofertë.

Kjo shumë parash është vetëm për një sezon, ndërsa kontrata parashikon edhe benefite të tjera.

Klubi rus i udhëhequr nga bosët e disa bizneseve ruse kanë bërë këtë ofertë meqë janë të bindur se Etoo do ti bashkëngjitet klubit të tyre, edhe pse ata janë paralajmëruar se kamerunasi nuk dëshiron që të largohet nga kampionati italian.

Anzhi Makhachkala ka bërë edhe disa oferta të tjera për lojtarë të njohur të kampionatit italian si Ganson e Milanit dhe Zaraten.