Liverpool, 22 maj - Menaxheri i Liverpoolit, Brendan Rodgers, pret që sulmuesi i skuadrës Luis Suarez të jetë në klub edhe sezonin e ardhshëm.

“Dëgjoni, çdo lojtar ka çmimin e vet, por vërtet nuk ka presion që klubi ta shesë atë. Ne përpiqemi ta ndërtojmë atë lloj kualiteti andaj ai nuk është në shitje”.

“Nuk kam dyshime, do të ketë interesim për të këtë verë, pasi ai është atje lart. Ka vetëm një përqindje të vogël të lojtarëve të cilët janë të klasit botëror dhe ai është në atë grup, andaj nuk mendoj se do të jetë njëjti si kur unë erdha këtu verën e kaluar”.

“Njerëzit duan ta marrin atë, por unë mendoj se ne të gjithë e dimë sa integral është ai. Pronarët kanë qenë absolutisht të qartë në vendimin e tyre sa i takon dëshirës për ta mbajtur atë”, ka thënë Rodgers.