Romë, 13 dhjetor - Roma e Zdenek Zeman ka nisur të fitoje rregullisht dhe të shfaqë një lojë të bukur e shoqëruar me rezultate por për teknikun bohem ka disa gjëra që duhen rregulluar.

Sipas skemës së tij me 3 sulmues mungon akoma një lojtar i ngjashëm me Lamelan, prandaj dhe sytë e drejtuesve të klubit janë drejtuar te Luis Nani.

Ky i fundit prej kohësh ka prishur raportet me klubin për shkak të frenimit të negociatave për zgjatjen e kontratës si dhe me sjelljet jo të mira të cilat nuk i pëlqejnë Fergusonit.

Plani i Franco Baldinit është i qartë, në Janar ofertë Manchester United për huaziminin e lojtarit me të drejtë blerjeje por ky operacion ka edhe vështirësi sepse Nani për te veshur fanellën e Romës duhet të reduktojë pagën e tij ndërsa duhet kuptuar edhe natyra e dëmtimit të tij të fundit që e ka lënë prej kohësh sulmuesin portugez jashtë fushave.