Londër, 9 nëntor - Liverpooli ia ka vënë syrin Carlos Tevezit, i cili mund të largohet gjatë janarit nga Manchester City.

Reds janë në kërkim të një sulmuesi cilësor, i cili do ta zinte vendin e Andy Caroll, që ka dështuar që prej transferimit në Anfield Road nga Newcastle vitin e kaluar.

Trajneri Roberto Mancini kohë më parë kishte thënë se nuk llogarit më në sulmuesin problematik argjentinas, i cili refuzonte të futej në lojë kundër Bayern Munichut në Ligën e Kampionëve.

Nga ajo kohë, Tevez ka mbetur jashtë ekipit dhe në janar mund ta shikojë një destinacion tjetër.