Londër, 12 korrik - Liverpool nuk do të heqë dorë nga çmimi prej 40 milionë funtesh për sulmuesin Luis Suarez.

The Sun shkruan se Redsat nuk e kanë në plan ta lejojnë largimin e sulmuesit nën shumën e cekur.Real Madridi shihet si favorit për të marrë shërbimet e Suarez, dhe pritet të vijë me ofertë konkrete në javët në vazhdim.

Në anën tjetër, as Topçinjtë, të cilët dështuan me tentimin e parë prej 30 milionë funtesh, nuk mund të përjashtohen dhe pritet të dalin me një ofertë të dytë prej 35 milionë funte.

Por edhe ata do të fitojnë të njëjtën përgjigje – me Redsat që nuk dëshirojnë të ulin çmimin.