Liverpool, 3 prill - Steven Gerrard thotë se klubi ka nevojë për përforcime për të luftuar për një vend që dërgon në Ligën e Kampionëve, sezonin e ardhshëm.

“Ne e dimë se ku është problemi dhe është paqëndrueshmëria. Në ndeshjet e vogla, ne kemi luajtur mjaft mirë për të qenë më lartë se sa jemi tash në ligë”.

“Por, kur shikoni në paraqitjet si ndaj Southampton, [Aston] Villa në shtëpi dhe, West Brom në udhëtim, Arsenalit në shtëpi, ka një grumbull ndeshjesh ku ky ekip nuk ia ka dalë”.

“Kjo është arseja se pse ne ende jemi këtu ku jemi në tabelë. Në mes këtyre ndeshjeve, ka pasur disa paraqitje fantastike, që ia ka vlejtur për top katërsh. Andaj, ne e dimë se nuk jemi larg, por mendoj se nëse ju thoni se nuk e keni fituar atë çfarë keni merituar, ka një element të të ndjerit keq për veten”.

“Nëse do të kishte disa përforcime gjatë verës në skuadër, ne besojmë se mund të bëjmë një sfidë më të mirë për top katërsh sezonin e ardhshëm”, ka thënë Gerrard.