Londër, 26 korrik - Swansea City do ta shqyrtojë të ardhmen e mesfushorit Joe Allen pasi të kthehet nga Lojërat Olimpike me Britaninë e Madhe, thuhet në një deklaratë për media të klubit anglez.

Raportohet se Liverpooli ka bërë një ofertë prej 13.5 milionë paund për futbollistin uellsian, e cila është pranuar nga klubi i tij aktual.

“Swansea mund të konfirmojë se Liverpooli ka shprehur interesim për Joe Allen...”.

“Ka pasur interesim edhe nga klubet tjera, kështu që klubi do të diskutojë me Joe rreth kësaj situate pasi të kthehet nga angazhimi me Britaninë e Madhe”, thuhet në deklaratë.