Liverpool, 1 shkurt - Liverpooli ka konfirmuar edhe zyrtarisht se ka siguruar shërbimet e sulmuesit fantastik anglez, Andy Caroll për një shumë prej 35 milionë funtesh.

“Liverpool konfirmon se Newcastle ka parnuar ofertën prej 35 milionë funtesh, që është shumë rekorde klubin e Newcastle. Liverpoolit i është dhënë leje për të arritur marrëveshje për kontratën e lojtarit”, thuhet në komunikatën e klubit nga Anfield.

Me këtë transferim Liverpooli kompleton suksesshëm afatin kalimtar dimëror, pasi pos Caroll në Anfield u transferua edhe Luis Suarez, përderisa Fernando Torres shkoi drejt Chelseat për 50 milionë funte.