Barcelonë, 17 dhjetor - Lionel Messi do të jetë veçmas përsa i përket trajtimit financiar tek Barcelona e tij e dashur, në familjen ku është rritur, aty ku nuk është ndjerë kurrë i trishtuar dhe nuk ka krijuar asnjëherë probleme.

Menjëherë sapo të firmosë kontratën e tij të re, pagesa vjetore e yllit argjentinas pritet të arrijë në mbi 15 milionë euro në sezon, duke lënë prapa një tjetër yll si Cristiano Ronaldo.

Sot për sot, ylli i Real Madrid është mbi Leon, ndërsa Samuel Eto'o mban rekordin me rreth 20 milionë euro pagesë në vit tek Anzhi i Mahaçkallës, në kampionatin rus.

Gjithsesi, është një renditje ku Messi mban vendin e parë dhe kjo është ajo e të ardhurave vjetore tek futbollistët. Numri 10 katalanas fiton 33.5 milionë euro, përfshi rrogën tek Barça, shpërblimet sportive dhe kontratat e sponsorizimeve.

"Pleshti" argjentinas po mbyll një vit 2012 në mënyrën më triumfale të mundshme, me 90 gola të shënuar kur ka edhe një ndeshje për të luajtur, duke kaluar edhe rekordin e Gerd Muller për golat në një vit kalendarik.