Barcelonë, 29 tetor - Lionel Messi vazhdon të thyejë rekorde. Argjentinasi me dy golat kundër Rayo Vallecanos të shtunën, arriti në kuotën e 182 shënimeve në La Liga, duke hyrë në top 10-shen e golashënuesve më të mirë në histori të La Ligës.

Ylli i Barcelonës është i barabartë me gola me Juan Arzan, futbollisti i cili veshi fanellën e Sevillës nga 1943-1959. Messi është vetëm katër gola prapa Santillanas (186 gola), i cili luajti 17 sezone për Real Madridin. Zarra (Athletic Bilbao) aktualisht mban rekordin me 251 gola. Nga top 10-ta, Messi ka mesataren e tretë më të mirë me 0.82 gola për ndeshje.

Ai mposhtet vetëm nga rekordmeni Zarra (0.91) dhe i teti Mundo (0.84). Messi 182 golat e tij i ka realizuar në 223 ndeshje zyrtare në La Liga. Shënimet e tij, me përjashtim të një stinori, janë gjithnjë në rritje.

Nga sezoni 2004/05 kur realizoi golin e parë kundër Albacetes (2-0), ai ka shënuar 6, 14, 10, 23, 34 dhe 50 gola, përkatësisht në sezon. Këtë vit pas nëntë xhirosh ai ka realizuar 13 herë. Nëse vazhdon me këtë ritëm, ai do të përfundojë sezonin i gjashti ose i shtati.