Madrid, 7 dhjetor - Cezary Kucharski, menaxheri i Robert Lewandowskit, ishte në ‘Santiago Bernabeu’ për ta parë ndeshjen mes Real Madridit dhe Getafes.

Real Madrid e ka marrë seriozisht transferimin e Robert Lewandowskit nga Bayern Munich verën e ardhshme.

Madje, në ndeshjen ndaj Getafes menaxheri i polakut, Cezary Kucharski, ishte i pranishëm në tribunat e Santiago Bernabeut, raporton AS.

Kucharski është parë pranë presidentit të klubit, Florentino Perez dhe Jose Angel Sanchezit, përcjell Gazeta Express.

Por, transferimi i polakut në Real nuk do të jetë i lehtë pasi lojtari ka kontratë me Bayern Munichun deri në vitit 2019.

Kurse, së fundit drejtuesit e Bayern Munichut po mundohen ta vazhdojnë kontratën me ish anëtarin e Borussia Dortmundit.