Londër, 18 gusht - Chelsea është e interesuar ta transferojë Wayne Rooneyn nga Manchester Unitedi gjatë kësaj vere. Por, nëse dështon në pistën e sulmuesit anglez, atëherë fituesi i fundit i Europa Leagues ka alternativa.

Sipas të përjavshmes britanike Sunday People, Blues janë duke menduar seriozisht edhe për Robert Lewandowskin.

Sulmuesi polak i ka shprehur haptazi pakënaqësitë ndaj drejtuesve të Borussia Dortmundit, të cilët nuk e lanë të shkonte në Bayern Munich, kështu që Jose Mourinho mund të përfitojë nga kjo situatë dhe ta sjell atë në Stamford Bridge.

‘Special One’ e do një sulmues që ia garanton së paku 20 gola në sezon në Premierligë, gjë e cila nuk mund të thuhet edhe për sulmuesit që ka në dispozicion, Torres, Ba e Lukaku.