Berlin, 18 janar - Ikona e futbollit gjerman, sulmuesi Gerd Muller, ka marrë një bluzë me firmën e Leo Mesit, i cili pak kohë më parë theu rekordin e tij duke sa i takon shënimit të numrit të golave për një sezon kalendarik.

Argjentinasi i Barcelonës ka shkruar në bluzën e dhuruar legjendës: “Për Gerd Muller. Me admirim dhe respekt”.

Legjenda e Bajernit të Mynihut është gëzuar pa masë nga kjo dhuratë prej katër herë fituesit të Topit të Artë.

“Jam shumë i kënaqur dhe krenar që marr një bluzë të tillë nga lojtari më i mirë në botë”, është shprehur gjermani, i cili ka premtuar se bulën do t’ia dhurojë muzeut të Bajernit.

Muller vendosi rekordin e tij në vitin 1972 ku arriti të shënojë 85 gola ndërsa Mesi e përmirësoi këtë rekord në vitin 2012 duke shënuar 91 herë.