Londër, 20 mars - Kapiteni i Chelseat, John Terry, e ka përshkruar bashkëlojtarin e tij, Frank Lampard, si më të mirin në histori të klubit.

“Njerëzit flasin për lojtarët më të mirë në histori të klubit, përmendin Gianfranco Zolan, por për mua më i miri i të gjitha kohërave është Frank Lampard”.

“Ai është lojtari i preferuar në zhveshtore dhe të gjithë e nxisim që të vendosë rekord të ri me numrin e golave”, ka thënë mbrojtësi anglez.

Lampard, i cili ndaj West Hamit shënoi golin e 200-të me fanellën blu, duhet të shënojë vetëm edhe tre gola që të bëhet golashënuesi më i mirë në histori të Chelseat. (Vendin e parë aktualisht e mban Bobby Tambling me 202 gola).