Londër, 3 mars - Agjenti i yllit të Tottenham, Gareth Bale u ka thënë klubeve italiane se duhet të harrojnë një transferim të lojtarit.

Juventus dhe Inter Milan kanë qenë të lidhura me asin uellsian. “Është e pamundur që Bale do të mbërrijnë në Itali”, ka thënë agjenti Peppino për TMW.

“Shumë klube në Itali e kërkojnë, por asnjëri prej tyre nuk mund ta përballojë atë.”

“Nëse një skuadër si Barcelona është e detyruar të heqë dorë nga një lojtar, atëherë kjo do të thotë se ai do të qëndrojë aty ku ndodhet. 50 milionë është çmimi i tij për të gjithë.”

“Real Madrid nuk kanë nevojë për lojtarë të tillë, ndërsa ai mund të jetë me interes edhe për Chelsean dhe Manchester City. Megjithatë, unë nuk mendoj se Tottenham do të shesë atë.”