Liverpool, 9 nëntor - Jurgen Klopp ka thënë se është ndjerë vetëm, kur i ka parë tifozët e Liverpoolit duke u larguar nga shkallët e stadiumit pas golit të dytë të Crystal Palace.

Klopp deklaroi se është përgjegjësi e skuadrës së tij, t’i mbajë shikuesit në stadium deri në vërshëllimën e fundit.

“Pas golit në minutën e 82, me 12 minuta të mbetura deri në fund, pashë shumë njerëz duke u larguar nga stadiumi. U ndjeva goxha vetëm në atë moment. Ne vendosim kur përfundon. Në mes të minutave 82 dhe 94 ju mund t’i shënoni tetë gola nëse doni”, deklaroi gjermani.