Prishtinë, 22 prill - Grupi i Grave Deputete-GGD, përgëzon xhudisten Majlinda Kelmendi për fitoren e medaljes së artë dhe Nora Gjakovën për fitoren e medaljes së bronztë.

Xhudistet: Kelmendi e Gjakova janë krenaria e Kosovës, model që duhet ndjekur nga të rejat dhe të rinjtë se si me punë dhe përkushtim arrihen suksese që i ka lakmi bota.

GGD  i dëshiron suksese të mëtejme xhudistëve dhe uron që ato t’i sjellin Kosovës edhe medalje olimpike.

“Urime, Majlinda Kelmendi,  medalja e artë!

Urime, Nora Gjakova, medalja e bronztë!

Urime dhe respekt për trajnerin, Driton Kuka!”, thuhet në urimin e Grupit të Grave Deputete, të nënshkruar nga kryetarja e GGD-së, Blerta Deliu Kodra.