Madrid, 10 nëntor - Ylli i Real Madridit, Ricardo Kaka ka thënë se bashkëlojtari i tij, Cristiano Ronaldo është lojtar më i kompletuar se futbollisti më i mirë në planet për momentin, Lionel Messi.

“Ronaldo më i kompletuar se Messi? Për të thënë se cili është lojtari më i mirë në botë është shumë e vështirë pasi duhet të shikohet se çfarë bëjnë ata në fushë”.

“Ronaldo dhe Messi janë më të mirët në botë, por në futbollin e sotëm, pra në futbollin modern, Ronaldo është më i kompletuar se Messi. Ai godet me këmbën e majtë, të djathtë, me kokë dhe është shumë i shpejtë. Messi është i mirë por Ronaldo është më i kompletuar se ai “, tha Kaka.