Torino, 10 gusht - Juventusi po planifikon që ta përmirësojë ofertën për mbrojtësin e Chelseat, Alex. Sipas tabloidit britanik, The Sun, gjiganti italian fillimisht kishte ofruar 10 milion euro për mbrojtësin brazilian.

Mirëpo, trajnerii i klubit londinez, Andre Villas-Boas, nuk e ka ndërmend të heq dorë nga Alex për më pak se 13-14 milion euro.

Prandaj, Zonja e Vjetër është duke e përgatitur ofertën e re, e cila do ta kënaqte udhëheqësinë e klubit londinez, për ta lëshuar mbrojtësin e fuqishëm, i cili pëlqehet nga trajneri i ri, Antonio Conte.