Torino, 21 nëntor - Futbollistët e Juventusit ishin të pamëshirshëm kundër Palermos, duke fituar 3:0 dhe pas kësaj fitore ata dolën në krye të tabelës së Serie A, duke shfrytëzuar barazimet e Lazios dhe Milanit në ndeshjet e djeshme.

Më i miri në radhët e Juventusit ishte Andrea Pirlo, i cili nuk shënoi asnjë gol për torinezët, por diktoi tërë lojën e Juves. Në saje të lojës së mirë të tij, shënuan Simone Pepe, Alessandro Mattri dhe në fund Claudi Marchisio.

Befasi të xhiros së 11-të të Serie A paraqet fitorja e Cesenas së fundit, e cila si mysafire fitoi kundër Bolognas vendëse 1:0.

Bologna          -         Cesena         0:1

Juventus         -          Palermo       3:0

Catania           -          Chievo         1:2

Parma             -          Udinese        2:0

Sienna             -         Atalanta        2:2

Genoa              -         Novara         1:0

Inter                -          Cagliari       2:1

Fiorentina        -          Milan          0:0

Napoli              -         Lazio           0:0

Renditjes tabelare i prin Juventusi me 22 pika, që pasohet nga Lazio me 22, Milan me 21, Udinese 21, Palermo 16, Napoli, Chievo, Genoa e Parma me nga 15 pikë e kështu me radhë, derisa skuadra e Samir Ujkanit është e parafundit me 7 dhe Cesena e Bogdanit, megjithë fitoren e sotme, e fundit me 6 pikë.