Torino, 30 korrik - Saga "ku do të vazhdoj karrierën e tij Robin van Persie" duket se seriozisht po merr fund pasi që Juventus për të sjellë këtë lojtar të madh holandez, aktualisht anëtar i Arsenalit, ka përgatitur një ofertë prej 70 milionë euro!

Siç citojnë mediat britanike, menaxheri i përgjithshëm i kampionit të Italisë, Giussepe Marrota ka filluar negociatat me Van Persien dhe u tha agjentëve të lojtarit se "Zonja e Vjetër" do të tejkaloj ofertën e Manchester United.

Van Persie do t'i ofrohet një kontratë pesë-vjeçare, sipas së cilës ai do të fitoj dhjetë milionë euro në vit, pas zbritjes së tatimeve dhe 20 milionë do ti paguhen menjëherë Arsenalit për transferim.