Torino, 7 maj - Skuadra e Juventusit ka nisur negociatat me Real Madridin për shërbimet e sulmuesit argjentinas Gonzalo Higuain, shkruan "Tuttosport" të hënën.

Gazeta italiane bën të ditur se Higuain 25-vjeçar, do të largohet nga Reali në fund të këtij edicioni.

Ai ka kontratë me Realin deri në vitin 2015, kurse Juventusi është i gatshëm të paguajë një dëmshpërblim prej 25 milionë eurosh për të.

Higuain këtë edicion ka shënuar 13 gola në 25 ndeshje të zhvilluara në La Liga. Krahas Juventusit, interesim të madh për transferimin e Higuainit kanë treguar edhe skuadrat Manchester City, Chelsea e PSG.