Torino, 29 mars - Një mbrëmje speciale vëzhgimi për Nicolas Gaitan. Mesfushori 24 vjeçar me origjinë argjentinase që aktualisht ndodhet në radhët e skuadrës së Benfikës vazhdon të ngjallë interesin e shumë klubeve të mëdha evropiane.

Orët e fundit flasim për një interes dhe të klubit italian të Juventusit, ku drejtuesit e bardhë e zinjve kanë shprehur pëlqim për lojtarin dhe tashmë janë në ndjekje të tij.

Megjithatë konkurrenca është tepër e fortë pasi siç shkruhej nga e përditshmja “A Bola”, në sfidën e Benfikës me Chelsea, lojtarin, krahas Juventusit po e vëzhgonin dhe agjent të Manchester United, Tottenham, Atletico Madrid, Barcelona dhe Bajern Munih.

Krahas Gajtan, Juevntus duhet thënë se i ka pasur sytë dhe tek mbrojtësi i qendrës së Chelsea David Luiz, një objektiv i vjetër ky i bardhë e zinjve.