Torino, 23 korrik - Kampioni i Italisë, Juventus, e ka bërë të qartë se është në kërkim të dy sulmuesve nga Liga Premier – atë të Arsenalit, Robin van Persie dhe atë të Liverpoolit, Luis Suarez.

The Times njofton se përfaqësues të Zonjës së Vjetër në takimin që kanë pasur me agjentin e Van Persiet, kanë thënë se ata janë të interesuar ta blejnë edhe lojtarin uruguaian.

Kalimi në Serie A do t’i mundësonte holandezit që të shmangte reagimet e tifozëve (që do t’i kishte në rast të transferimit te Manchester City apo Manchester United), ndërsa partneriteti në sulm me Suarez do ta bënte fazën ofensive të Juves mjaft të rrezikshme.