Torino, 30 qershor - Udhëheqësit e klubit italian Juventus kanë dërguar të mërkurën një kërkesë zyrtare, në të cilën klubi torinez kërkon kthimin e titullit të kampionit të vitit 2006.

“Zonja e vejtur” është ekipi që ka pësuar dënimin më të rëndë në aferën “Kalcopoli”. Juventusit iu morën titujt (2005-2006) dhe për më tepër, klubi më i trofeshëm italian, u dëbua në Serie B.

Administrativisht, titulli i kampionit për sezonin 2005-2006 iu dha Interit, por udhëheqësit e Juventus mendojnë se as “neroazuri” nuk kanë qenë plotësisht të pastër në këtë aferë.