Torino, 24 prill - Sipas “La Gazzetta dello Sport”, Juventusi ka gjetur zgjidhjen e duhur për të risjellë në Itali Zlatan Ibrahimoviç.

Zonja e Vjetër i ofron suedezit një kontratë 4-vjeçare dhe një pagë prej 7 milionë Eurosh në vend të 12 milionëve për 2 vjet të parashikuara te Paris Saint-Germain.

Një ofertë prej 28 milionë Eurosh për 4 vjet që mund t’i prishë mendjen Ibrës për të marrë rrugën drejt Torinos.

Por normalisht që për këtë operacion duhet të japë ok edhe Paris Saint-Germain. Francezët kërkojnë të paktën 21 mln Euro, të shpenzuara më parë për ta blerë nga Milani.