Juventus, 30 milionë euro për Neymar
Juventus është i gatshëm të paguajë 30 milionë euro për të marrë shërbimet e sulmuesit brazilian të Santosit, Neymar, duke filluar që nga sezoni i ardhshëm.
Sipas Corriere dello Sport, talenti 19-vjeçar do të ishte lojtari dhe imazhi ideal për projektin e ri të drejtuesve bardhezi.
Gazeta italiane kujton gjithashtu se ekipe si Chelsea dhe Barcelona janë të interesuara për Neymar.
Gjithsesi, drejtuesit e Zonjës së Vjetër kanë deklaruar gjithmonë se nuk do të harxhojnë shuma të mëdha parash për një lojtar të vetëm, por në këtë rast mund të bëhet një përjashtim sepse Neymar është në rrugën e duhur për tu bërë një nga futbollistët më të mirë në botë.
Neymar ka pasur paraqitje fantasike me Santos dhe me fanellën e Brazilit në këtë sezon, ndërsa për Juventusin ai konsiderohet si synimi i tyre kryesor gjatë afatit kalimtar veror.
