Torino, 3 prill - Skuadra e Juventusit është futur në garë për shërbimet e mesfushorit të Real Madridit, argjentinasit Angel Di Maria, shkruan të hënën “Tuttosport”.

Di Maria javën e shkuar ka refuzuar kontratën e re nga krerët e Realit, duke bërë të ditur se nuk është i kënaqur me kushtet e ofruara.

Mesfushori argjentinas këtë edicion ka pasur disa probleme me lëndimet, por mbetet njëri ndër lojtarët kryesorë të trajnerit Jose Mourinho.

Ai ka kontratë me Realin deri në vitin 2014. Pos Juventusit, interesim për Di Marian kanë treguar edhe Chelsea, Manchester City e United.