Londër, 27 prill - Jupp Heynckes ka mohuar kalimin e tij te Real Madridi në fund të këtij sezoni.

Të gjitha indikacionet janë që Jose Mourinho të largohet në fund të sezonit nga Bernabeu, me Chelsean dhe Interin në pritje të tij, teksa është Jupp Heynckes ai që është përfolur si emër i mundshëm për zëvëndësimin e portugezit.

Por, është vet Heynckes ai që ka mohuar rikthimin te klubi me të cilin e kishte fituar Ligën e Kampionëve.

“Unë nuk do t’iu tregoj atë që do të bëj pas 30 qershorit. Unë shikoj në këtë aspekt në mënyrë të relaksuar. Unë e di atë që do të bëj dhe e di që një kohë të gjatë. Unë kurrë nuk kam pasur ndonjë agjent dhe spekulim et nga Spanja janë thjesht të mediave për përfitime të tyre”, ka potencuar Heynckes.