Barcelonë, 2 tetor - Trajneri i Benfikës, Jorge Jesus, paralajmëron futbollistët e tij në vigjilje të sfidës në Champions League me Barcelonën.

\"Të mendosh se Barcelona është vetëm Messi është gabim. Xavi e Iniesta janë mesfushorët më të mirë në botë për të përgatitur lojën e më pas në zonën gol shfaqet Messi\", u shpreh për \"A Bola\" tekniku i \"Shqiponjave\".

Më pas Jesus tregoi edhe se si mund të ndalen 3 yjet katalanas: \"Janë tre futbollistë të jashtëzakonshëm dhe mund të ndalen vetëm me një pozicionim të mirë mbrojtës. Por me ta nuk është thënë që çdo gjë të shkojë si duhet\", përfundoi Jorge Jesus.

Ndeshja Benfika-Barcelona, e vlefshme për Grupin G, luhet sonte në mbrëmje, në orën 20.45.